【有數得計】首次平磅對決 美麗大師力足反先佳龍駒

近日唔少馬迷朋友都討論緊冠軍一哩賽，因為「佳龍駒」已經奪得四歲系列三冠，當選馬王機會高唱入雲。但係咪今場必勝無疑？咁又未必，「佳龍駒」今場最大對手就係兩度敗喺自己蹄下、由告東尼訓練嘅「美麗大師」！雖然「美麗大師」兩度屈居「佳龍駒」之後取得第二名，但由上季尾讓17磅輸一又四分一個馬位，到上月讓5磅輸個半個馬位，距離明顯拉近不少，今場國際一級賽喺平磅情況下真正對決，相信「美麗大師」絕對有力反先。

「佳龍駒」今次以四歲之齡挑戰一眾年長馬，體能上亦存疑問。上場4月9日嘅主席錦標之前，呢匹超新星已經喺3月19日博完打吡大賽，一連兩場硬仗之下，究竟「佳龍駒」會唔會出現疲態呢？另一方面，眾所周知「美麗大師」需要喺乾快場地情況下先能發揮出最佳水準，根據天文台預報，比賽日初時有薄霧及一兩陣驟雨。日間短暫時間有陽光。假若當日天氣晴朗，喺以上各種因素結合下，相信會上演一場精彩嘅賽事！

香港三級賽-獅子山錦標 1,600米（2016年5月29日）
第一名：佳龍駒 117磅
第二名：美麗大師 133磅（1-1/4馬位）

國際二級賽-主席錦標 1,600米（2017年4月9日）
第一名：佳龍駒 123磅
第二名：美麗大師 128磅（1/2馬位）