【金盃無份騎？】大摩無比座騎雷神 唔通因為……

騎師莫雷拉同練馬師約翰摩亞可以話係香港最火熱嘅騎練，經常都喺一級賽取得佳績，上星期日（2月19日）兩者就合作為「佳龍駒」取得四歲系列次關香港經典盃，向三冠夢邁進。

但心水清嘅馬迷可能會留意到，雷神喺聽日嘅國際一級賽花旗銀行香港金盃竟然無座騎？大摩喺呢場2,000米賽事共出「威爾頓」、「明月千里」、「精氣神」三駒。前兩者分別配上最佳拍檔貝湯美及布文可謂無可厚非，不過「精氣神」上仗由莫雷拉執疆，而且服役兩季以來只有佢贏過，今場竟然棄雷神而換上戰力有減退跡象嘅韋達，此舉實在令人費解。

據知情人士透露，近期大摩開始對雷神嘅演出有微言，尤其係喺低班賽事中嘅表現，與大摩賽前預期有一段距離。莫非今次大摩喺香港金盃唔比座騎雷神，就係比佢嘅懲罰？